• 29.01.2026

«ЯРМИ БИЗДАН»: Энди севимли китобларингизни 50% чегирма билан харид қилинг!

Китоб — инсон маънавиятининг кўзгуси, тафаккур хазинаси ва энг яқин дўстдир. Бугунги кунда сифатли ва мазмунли китобларни харид қилиш учун ҳар доим ҳам имконият бўлавермайди. «Oʻzbekiston» нашриёт-матбаа ижодий уйи китобхонлик маданиятини янада ривожлантириш ва ҳар бир хонадонга зиё улашиш мақсадида ўзининг янги ижтимоий лойиҳасига старт берди! Лойиҳа номи барчага бирдек манзур бўлиши аниқ: «ЯРМИ БИЗДАН»!

Лойиҳа моҳияти нимада? Биз «ЯРМИ БИЗДАН» акцияси орқали сиз анчадан бери ўқишни ният қилиб юрган, жавонингиз кўркига айланадиган сара асарларни тенг ярим нархда харид қилиш имкониятини тақдим этамиз. Сиз китобнинг 50% нархини тўлайсиз, қолган 50% қисмини эса биз — нашриёт ўз зиммамизга оламиз!

Акция тартиби қандай? Ушбу махсус таклиф ҳар ҳафтанинг Жума кунлари амалга оширилади.

  • Ҳафтанинг 3 та сара китоби: Ҳар ҳафта биз ўқувчилар томонидан севиб ўқиладиган ва юқори талабга эга бўлган 3 хил турдаги китобни танлаб оламиз.

  • 50% Чегирма: Жума куни соат 00:00 дан бошлаб 23:59 га қадар ушбу танланган китобларга сайтимизда 50% лик чегирма эълон қилинади.

  • Чекланган миқдор: Унутманг, чегирмадаги китоблар сони чекланган бўлиши мумкин. Бу ерда асосий қоида — «Улгурган сотиб олди».

Етказиб бериш хизмати: Биз китобларни сизга қулай тарзда етказиб беришни йўлга қўйдик.

  • Тошкент шаҳри бўйлаб: Буюртма қилинган китоблар 3 иш куни ичида манзилингизга етказиб берилади.

  • Вилоятлар бўйлаб: Республикамизнинг бошқа ҳудудларига ҳам етказиб бериш хизмати мавжуд. Вилоятларга етказиб бериш учун почта ёки курьерлик хизмати тўлови харидор томонидан қўшимча тарзда амалга оширилади.

Муҳим эслатма: Акция фақат онлайн! Диққат қилинг! «ЯРМИ БИЗДАН» акцияси доирасидаги 50% лик чегирмалар фақат ва фақат нашриётимизнинг расмий веб-сайти орқали расмийлаштирилган буюртмалар учун амал қилади. Дўконларимиздан тўғридан-тўғри харид қилинганда, ушбу акция амал қилмаслиги мумкин.

Ҳозироқ тайёргарлик кўринг! Илк «қайноқ жума»ни ўтказиб юбормаслик учун ҳозирданоқ ҳаракатни бошланг:

  1. Расмий сайтимизга киринг: www.iptd-uzbekistan.uz

  2. Рўйхатдан ўтинг (шахсий кабинетингизни яратинг).

  3. Жума кунини кутинг ва биринчилардан бўлиб севимли китобингизга эга чиқинг!

«Oʻzbekiston» нашриёт-матбаа ижодий уйи — сара ва сифатли адабиёт ҳар бир хонадонда!