Маҳсулот ҳақида
«Табиат тилга кириб, унинг сирли ҳаётига ошно бўлган, гўзаллигини куйлаган инсонга ўз миннатдорлигини билдира олганида, аввало, бу бахтга Михаил Пришвин сазовор бўларди», – деб ёзган эди атоқли рус адиби Константин Паустовский. Михаил Михайлович Пришвиннинг мазкур китобда жамланган битикларида табиат гўзалликлари, мўъжизалари ҳақида ширали тилда сўйланади. Ёзувчи ижодида табиат жонли, азиз, суюкли бўлиб, уни куйлаганда, самимий, содда ва нафис тилда дилидаги кечинмаларни баён этади. Шубҳасиз, ушбу мутолаа ҳар бир китобхонда она табиатга меҳр уйғотади.
